Z) De liewe Godd un de rhoihessische Dialeggd

 

De liewe Godd hod alles gseh,

was er gemacht hod un find’s schää.

Er seschd mid Schdolz un aa mid Mud:

„Ei, do gugg hie – ’s is werklisch gud.“

 

De Himmel un die Erd sin so

mid allem was lebd enschdanne do.

Am siebde Daa dann, s’ war’s so weid,

war alles geschaffd, ihr liewe Leit,

 

drum war er aa e bissje mied.

Doch hod er soi Werk gud ferdisch kried.

Er ruhd vum Schaffe sisch rischdisch aus,

machd dendeweje e ordenlisch Paus.

 

Gseeschend hod er de siebde Daa,

erklärd den Daa heilisch – vellisch klaa.

Der Daa, der is soi. Des wollen mer’m genne.

Er hod do soi Werk vollende kenne.

 

Un dann, ’s gehd weider, am Daa Nummer achd

hod er dann die Mundart gemachd.

Fer jeden war’n Dialeddd dann do,

un alle Velker waren froh.

 

Un in Berlin, die Berliner Schnauze,

die dud mol korz ganz frehlisch gauze:

„Icke hab nen wahnsinns Dialekt, wa?“

Des is doch ebbes. Odder? Ja!

 

In Hamburg brauchschde ned ze waade,

es seschd aa glei de Hanseade:

„Mein Dialekt ist dufte, ne!“

Un fin des aa noch werglisch schää.

 

In Köln, do seschd mer iwwerall:

„Hey, du Jeck, mit Kölsch fieert mer Karneval!“

De Sachse seschd ganz uvedrosse:

„Ja nu freilisch is däs Sächsische klosse!“

 

In Bayern mid Mundard mer ned ããeggd:

„Jo mei, is des a scheener Dialekt!“

In Schwaben ziehd mer schdolz de Hud:

„Ha noi, so schwätze mer, des isch guad!“

 

Nur fer de Rhoihess, ’s is leider so,

war kããn Dialeggd mehr do.

Der werd erschd draurisch, dann reschd er sisch uff

un guggd vebiddert zum liewe Godd do nuff.

 

Der guggd ganz gnädisch uff de Rhoihess:

„Ei nãã, isch hab disch ned vegess’!“

Dann seschd er korz nur noch dezu:

„Dann babbel hald wie isch, moin Bu!“

 

 

* * *

 

Leseprobe „’s Hohelied vum Salomo, Kabiddel 5, Vers 1 - 16“

 

Leseprobe „Hochzet in Kana“

 

* * *

 

Vorwort von Hans-Peter Ranz     Prolog von Hartmut Keil     Epilog von Michael Finzer     Nachwort von Ernst L. Fellechner

 

* * *

 

Die Illustrationen ...

 

* * *

 

Home/zurück

 

* * *

 

 

Übrigens:

2016 wird Rheinhessen 200 Jahre alt.

 

 

* * *